Mësohet data e nisjes së edicionit të ri në futbollin kosovar, zyrtarisht ndërron formati në Ligën e Parë

14:15 | 18 Qershor 2025
D.H

Edicioni i ri garues 2025/26 në futbollin e Kosovës do të nisë në fundjavën e 16/17 gushtit.

Të parat që nisin garat do të jenë dy nivelet më të larta, Albi Mall Superliga dhe Raiffeisen Liga e Parë e Kosovës, përcjell Arbresh.info.

Pjesë e elitës së futbollit sivjet do të jenë Prishtina e Re dhe Drenica, të cilat ishin kampione në grupet e tyre respektove në Ligën e Parë.

Gjithashtu nga ky sezon Liga e Parë do të jetë ligë unike e përbashkët e përbërë nga 18 ekipe, dhe nuk do të jetë e ndarë në dy grupe sikurse vitet e fundit.

“Të rikujtojmë se Liga e Parë në këtë edicion do të funksionojë si ligë unike, me 18 skuadra”, ka bërë të ditur FFK-ja, përmes një njoftimi të lëshuar në rrjetet sociale.

Kujtojmë se kampion i Kosovës sezonin që lamë pas u shpall Drita./Arbresh.info